اجمل الصور المضحكة - شوفها واضحك للفجر
اجمل الصور المضحكة عن موقف بيمر بيه اى حد عنده عربية لما والدته تركب معاه ومن القلق عليه تطلب منه يخفض السرعه حتى لو كان ماشى على سرعه مش عالية فعلا, يمكن بنقدر ان الدافع على كدا الخوف علينا والمحبة من الام لكن الموقف ساعات بيكون كوميدى جدا, وعن عادة هى مش وحشة بس هى عادة عندنا من عدم نشر الصور الشخصية بكثرة من اغلب المستخدمين العرب للانترنت وانهم بيعملوا اكونتات على الانستغرام بغرض متابعة الاخرين من المشاهير وغيرهم, وواحد عمل تويتة بيشكى همه من سكنه فى شارع الهرم لما يقابل حد مقيم بره القاهرة ويفكر انه قاعد فى كبارية وحواليه الرقصات
اجمل الصور المضحكة بست فريند بيطلب من صاحبه يبطل إكتئاب لانه طبع عليه إكتئابه "هم يضحك", وبنت فى كومكس ام الناظر نفسها تتنادى بإسم الدلع ولو من حسن حسنى, "هم برده يضحك", وعن المعاناة الى ممكن تحس بيها لو اتصلت تطلب اوردر من مطعم كبير من البرندات المشهورة كأنك بتعدى طريق الخطر 20 سؤال ممكن لحد ما تخلص الاوردر وممكن فى الاخر تلاقى الطلب فى اضافات انت طلبتها وانت ما تعرفش "انا بفكر اعمل ملازم شرح " كيف تطلب برجر فى 30 ثانية"
اجمل الصور المضحكة بجنون عن شاب عامل عملية ليزك وبيبسى عاملة حملة بيبسى جولد بصورة عمرو دياب واتخض فكر ان الكانزية طول عمرها باللون دا وهو بيشوفها زرقاء بسبب ضعف نظره, وبرنت سكرين لتويتية بتلخص حال كل البنات الايام دى ما بين الاعتماد على الذات والخروج من الصورة التقليدية للمرأة الشرقية وما بين تكاليف الاعتماد على النفس الى ساعات بتكون تخض
اجمل الصور المضحكة شاب كاتب تويته الظاهر حلمه يقابل ياسمين صبرى اللى اغلب الناس بيتكلموا عليها الفترة الاخيرة فتخيل انها جات عنده الشركة وعزمها على قهوة وهى ردتهاله العزومة وعزمته على الفطار, الجنون هنا انها دخلت علقت على التويته دى وقلبت الحلم لكابوس "منك لله يا شيخة"
ربما ترغبون فى مشاهدة ما سبق نشره من قبل على مدونة صور منوعة
صور مضحكة جديدة - الضحكة تزلزل كيان أحزانك
اجمل الصور المضحكة في العالم - طريقك السريع للضحكة
اجمل الصور المضحكة
0 التعليقات
إرسال تعليق